Home Aitorma Jorani Kok Tamono twiwi Porinai?

Tamono twiwi Porinai?

0
105

Chini kwbangma porinai rokni buma-bupharokno uana-mung nangjaklaio 10+2 eba Madhyamik /ICSE/CBSE pass wngmani yagulo tamonotwi porinai eba porirwnai. Arts eba commerce eba science, sana thangkhe omorok mungsa uananase kwrwi. Uananani kok wngkha khoroksani muchungma, tamo bijapno porina eba abo porimani yagulo boh tamo wngna muchung, omorok se. Tabukni o jorao chongwi nanani kwbangma bijapno tongo 10+2 paimani yagulo. Khoroksa borok tamo wngna muchung chongwi nana tabukni o technology molo belaikheno kwlai wngkha.

Uaisa jora chini dophani borokrokni bising omohai tongmani, Madhyamik/ICSE/CBSE pass wngkheno, joto buma-bupharok naio bohrokni bwsarok jesekhe-phano science porina nangnai, bohrokni uansukmung wngkha bwsla eba bwsajwksongno doctor eba engineer swnamna.

Tabukni o jorao phiyaba ang uansugo, o uansukmung kisa helengkha hwnwi, tangwi hwinba kwbangma borok o scienceno karwi arts eba commerce porinai-rok bohrokni yakungo kaham-kheno bachajak nukjago. Tei kaisa kokbaikhe porinai/buma-bupha songno kubuni uansukna lama phiyokha doctor, engineer simiya kubuni porina lamarogobo kahamno wngwimano hwnwi.

aitorma”ni o issue o ang LAWnotwi swrwngnairok 10+2 jesa bedekni phano bahaikhe baithang yakung bachana lama khwlaiman abonotwi sawoi khwnarwanw.

Law kaisa tabuk chasawi tongnai bedek eba bijap. Omonotwi jephano baithang yakung bachana lama khwlaimano. Agini jora Bachelor of Law i.e.B.L.eba L.L.B porina bagwi jesa bedekni phano graduate wngna nango. Aboni yagulo Law graduate wngna bagwi bisiktham nango. Baksa Universityrogo o kwcham tongmung tabukbo tongkho kwtal tongmung cheng-mani logi-logi. Tabukni o kwtal tongmungo 10+2 paimani yagulo bisikba nango Law graduate wngna bagwi. Tabuk o kwtal tongmung belaikheno kwlai tei porinairokni bagwi kaham. Ang aswk kokcherlaimungo thangliya bobo kaham bisiktham da bisikba. Ani nangsukmani khe, je omonotwi porina muchungnai bohrokni bagwi tamo-tamo manthok tei bohrokni kokswng-mungrok tamo wngno:

(i)   Boro poriwoinai?

(ii)  Buphru lairem yapharnai?

(iii) Bahaikhe lairem yapharnai?

(iv) Poribaimani yagulo tamo wngnai?

Joto manthokmungrokno kaham khe saimana nango omonotwi porina swkang.

A.    Kaisa porina lama : Agartalani Tripura Government Law Collegeo bisikbani nangsukma B.A.LL.B. (Hons.) Degree Course tongo, omo painani bisikba nango, oro kaichi semesters tongo. Nikuma wngkha:

Tripura Government Law College

College Tilla, P.O: Agartala College, Dist: West Tripura,

O sakhlaimungrok manthogo puilanital talrung (January) rogo. O sakhlaimungo LAW porinani bagwi bebak swijak tongo. Admission wngnani khe, entrance examni bagwi, tei bini resultbo, bo salrogo wngnai bebakno rwjak tongo.

B.    Tei kaisa lamakhe Common Law Admission Test (CLAT). O Common Law Admission Test wngkha All India Entrance Test, kaichibrwi (14) National Law Universities/institute bai komthengjago eba khlaijago. Bisikba porimungni bagwi under graduate tei Post graduate porimungni bagwi. O kaichibrwi manjaknai  NLUs rok wngkha:-

1.  National Law School of India University, Bangalore, (NLSIU)

2.  NALSAR University of Law, Hyderabad (NALSAR)

3.  National Law Institute university, Bhopal (NLIU)

4.  The west Bengal National university of Judicial of science, Kolkata (WBNUJS)

5.  National Law University, Jodhpur (NLUJ)

6.  Hidayatullah National Law University, Raipur (HNLU)

7.  Gujurat National Law University, Gandhinagar (GNLU)

8.  Dr. Ram Monahor Lohiya National Law University, Lucknow (RMLNLU)

9.  Rajiv Gandhi National University of law, Patiala (RGNUL)

10. Chanakya National Law university, Patna (CNLU)

11. National university of advance legal studies, Kochi (NUALS)

12. National Law University, Orissa (NLUO)

13. National University of study & research in law, Ranchi (NUSRL)

14. National Law University & judiciary Academy, Assam (NLUJA)

Member of National Law Universityrokni undergraduate tei post graduate o admission ni bagwi 2013 bisini Common Law Admission Test bwskang talni 12th talkran (May) 2013 koktisalni(Sunday) sarikni damtham jorani simi damba jora khlaijagwiphano mano. Teibo kahamkhe sukrubwi saimana muchungkhe CLAT 2013 ni website www.clat.ac.in o naimano.

C.    Chwng Law porinani hwinkhe chini Indiao tei phatar haktorrogo tongo kwbangma College/ universityrok. Northern Eastern Hill University (NEHU), Shillong, Meghalaya, India bo bisikba jorani B.A. LL.B. (Hons) degree course tongo, omo bisikbao kaichi semesterni swnamjak. Tabukni o jorarogo chini borokrokni bising nukjago Pune/Bangalore/Dehradunrogo kuchuk swrwngmungni bagwi thangmani. Pune/Bangalore/Dehradunrogo kwbangma kaham collegerok tongo bisikbani B.A.LL.B. (Hons.) Degree Course porinani bagwi.

D.    Bisikba B.A.LL.B (Hons) Degree course paimani yagulo chwng tei bisiknwi jorani master degree program course (LLM) poriwi manphio. O LLM programo admission wngnakhe ‘All India common Law Admission Test’ twi wngwimano. Omono karwibo kwbangma universityrok tongo LLM porinani bagwi. Tripura university obo Lawno twiwi Master Degree Programni bagwi bisiknwini course chengwi rwjakha. Admissionni bagwi hasteni koktumalairogo naiwimano tei universityni website (http://www.tripurauniv.in)  obo naimano. Gauhati university obo bisiknwi jorani master degree program poriwimano. Gauhati universityni website wngkha (http://www.gauhati.ac.in). Delhi Law university obo LLB tei LLM program tongo, (http://www.du.ac.in) . Unviersity of pune obo Master Degree Program eba  LLM poriwimano (http://www.unipune.ac.in). Omorokno karwibo teibo kwbangma universityrok tongo. Baksa phatar haktorrogokhe Master Degree Program eba  LLM bisksa jorani se. Teikaisa kok muitu toninani nango, teibo kuchuk remni porimung khlaina muchungkhe Master of Philosophy (M. Phil ) eba Doctorate of Philosophy ( Ph.D) programni bagwi schedule Tribe candidates 50% marks score mana nango.

E.    Master Degree program eba LLM porimani yagulo, Master of Philosophy (M.Phil) eba Doctorate of philosophy (Ph.D) porinani bagwi India tei phatar haktorni kwbangma universityrok tongo. India tei phataro Jawaharlal Nehru university tongo.  Indiao Master of Philosophy (M.Phil) eba Doctorate of philosophy (Ph.D) porinani manthokmung tongmarok wngkha:

1)  Jawaharlal Nehru University, New Delhi

2)  University of Pune (http://www.unipune.ac.in).

3)  The National Law School of India University, Bangalore (NLSIU) (http://nls.ac.in)

4)  NALSAR University of Law, Hyderabad (NALSAR) (http://www.nalsar.ac.in)

Swkango swijakma kaichibrwi NLUrok joto ono Master of Philosophy (M.Phil) eba Doctorate of Philosophy (Ph.D) program porinani manthogo.

F.    Law porinani swimani yagulo phaidi ang tabuk omo porimani yagulo tamo sep tong kisa swiphiranw: Bachelor of Law eba LLB degree porimani yagulo chwng kwbangma amjokmungo achugwi mano, aborok wngkha IAS, IPS eba Bank probationary Officer (bank PO) rokni bagwi Union Public Service commission (UPSC). Tripura hasteo khe  Tripura Judicial Service (TJS) tei TCS, TPSni bagwi Tripura Public Service Commission(TPSC). O lamao tabuk chini borok belaikhe kisakho. Omono karwibo baithang chaitokna bagwi court o mungrem rwimano. Kwbangma borokrokno ani o uansukmungbai pherlaimano eba juda uansugwi-mano, omo ani uansuk-mase.

G.   Master Degree Program eba LLM manmani yagulo juda juda amjokmung eba kubuni samung lama phunukjakrok khlaimano. Phwrwngmungo gwdalna muchungjaknai eba research khlaina muchungnai tei 50% ni kwbang marks manjakrok (ST)  University Grants Commission (UGC), New Delhi, songchajakma National Educational Testing (NET), amjomungo achukna nangnai. (http://www.ugcnetonline.in/).  Omo bisio uainwi songchajago (June tei December). Tripura hasteo o amjokmungni centre wngkha Tripura University. Junior Research Fellowship tei Eligibility of Lectureship o kwnwi amjok-mungo kaham khlaimani  yagulo bisikbani simi fellowship mano Master of Philosophy (M.Phil) tei Doctrate of Philosophy (Ph.D) programni bagwi aboni logi kwbangma collegeo lectureship tei universityrogobo lecturer/Assitant Professor wngui mano. Teikaisa khe Fellowship manya phano lecturership tei University rogo bo Lecturer/Assistant

Professor wngwi mano.

H.   UGC Regulation 2009 nitwikhe Doctorate of Philosophy ( Ph.D) program paimani yagulo Lecturer/ Assistant Professor  wngnakhe National Educational Testing (NET) amjokmungo achukyaphano wngo. University Grants Commission (UGC), New Delhini twikhe tumungno khoroksa swrwngnai Assistant Professor sebuk chitokmung jora M.Phil degree twi Lecturer/ Assistant Professor chongjakhe boh kainwi ‘non-compounded advance increments’ mannai tei Ph.D degree manjakrok khe bisikbani ‘non-compounded advance increments’ mannai. Omo belaikhe sep kaham.

Omorokno karwibo ang kwbangmano swina muchungo phiyaba tei aswk swiliya ani swimung orono mwthaksiwanw. Ang belaikheno khao tongthok-mung mananw tumungno ani o swimung porinai buma-bupha rokni samungo kisa misaphano chukkha hwnkhe.

–Dr. Sukhendu Debbarma

NO COMMENTS

Leave a Reply

%d bloggers like this: