Jorabai baksa gwdalwi tongdi Hamjakma mananw.
Kuchuk yakhili bwkhabai bojak Yak tolwi himlainw.
Laithangjak kokrokno khao ta twidi Muktwi yoranw.
Puituno khao salburumno tonidi Kolok kotor wngwi mananw.
Himdi chalairok, himdi bayarok Thansa wnglainw.
Ma phani kokno khao chobwi Bwskang yapiri selainw.
Wansukma khao chikon ta chongdi
Kotorkhese chongna nanganw.
Tabukle jora phaiwi sokphaikha
Kwpwlaini mari phunugwi rilaisinw.
