Neermahal wngkha Tripura Raja rokni tongthai nok. 1930 o Maharaja Bir Bikram Manikya Bhadur tisamani. Neermahal ni taikaisa mung wngkha Twijilikma. Rudrasagar eba Twijilikma ni kwcharo o Rajarokni tongthai nok. Rajakhor Agartala ni simi 53 kilometers hakchalo.
Tripura ni Maharaja kolomma jora tongnani bagwi swnamjakmani Neermahal. Neermahal ni Salthang phasingno hwnjago Andar Mahal. Andar Mahal wngkha Maharaja tai Maharani tongmani nok. Salka phaising tongo mwsamung tai dalbidal panda songchajakmani nok. Bebagwi 24 tongma thai tongo Neermahal bisingo.
Tabukni jora, bisi brum brum Talbang jora o twini ter ‘Water Festival’ songchajago salthamni bagwi. Neermahal Twini Ter no rwgwi rung choklaima bataimungbo songchajago.
Neermahal nainani bagwi salbrum no borokrok thanglaio. Haiphano masing mol jora o picnic chana bagwi kwbangkhuk borokrok thanglaima nukjago.
