Aitorma: Nwng puila acting khaina bahaikhe muchungjakha?
Biva: Puila ang acting o interested wngmani hinke ang chwrai phru school oh tongphuru ni simi no rwchapmung mwsamung rogo belai kheno interested. Haiphano acting o phaina hinwi wansuk jakya phano ang jephuru acting ni bagwi first ringjak kha ang gosiwui naharwi acting bo khaikha. Khaimani yak ulo public rok ni positive reaction mankha hinke ang acting rok ni bagwi teibo interested wngkha.
Aitorma: Nini puila video ?
Biva: Ani first video wngkha “Malaina kwrui” by MD Production
Aitorma: Nini puila shooting khaiphuru ni kok kisa sawoi khwnarwdi.
Biva: Puila salo lachi kiri koro kheno pai rwkha. Saltham ni ulo twrwk twrwk khe shooting khaimani technique rokno swrwngwi mankha, tai swrwngmani bisingtwino puila music video ni shooting paikha. Angkhe bwkha bising bising kiriwui tongmani bahai wngkhwna ani acting, borokrok chajaknai da chajakya wngno, shooting toh khai phaikha result bahai jani wngno. Phiya video release wngmani yagulo borok rok chajakkha, tai bwkha o kisa confidence phaikha next video o teibo kaham khainai hwnwi.
Aitorma: Actingo nwng tamono chajak khuk?
Biva: Acting khaina thangwi chwng actors rok kwbangma dal-bibal characters ni role play ma khaio. O role play khai phuru omtwi hai ma nangjakgo abo chini life no. Omtwi haikhe feel wngthango swrapsa jorani bagwi, o je feelings ang different different characters play khaiphuru omtwi nango je omo ani no life choli tongo hwnwi. Aboni bagwi acting line interesting tai boring hai ma tongya, belai interesting life chini o acting career. Acting ni bisingtwi chwng kwbangma connect wng mano tai luku rok no kwbnagma message rok rwi mano, kaham phrwngmung phrwngmano, tai kwbangma kwtal kwtal swrwngnani yapri tongo.
Aitorma: Nwng nini personal life bai professional life no bahaike manage khai?
Biva: Ani bagwi omo difficult ya, tangwi hwnke personal life and career life no ang kainwi different lama hwnwi wansukya, phiya omo ani life ni no part. Sana thangkhe thowoui bachakhe mai chana nango, mwkhang suna nango, omtwi haikheno ang wansukgo normally samung ni phuru samung jotono kaisa jora rwoui ma thango. Kwthang tongna thangkhe hama ma nanai no, tai omo ani bagwi normal no.
Aitorma: Nwng kokborok actors rokni bisingo sabono chajak khuk?
Biva: Kebo khoroksa ni bumung nawi favourite kokborok actor hinui sai mangwlak tamni hwnkhe chini o industry o actors rok jotono belai kheno talented tai jotoni no alka talent tongo. Abo ni bagwi ang jotonono chajakgo.
Aitorma: Tripura ni mung gwnang actors tai actress rokni mung kisa sadi.
Biva: Tabuk Tripura o actor actress bang kha belai no, tai chini haste awsuk kotor jaga boya, tai tabuk social media ni jora jotono haino sini bayo, haiphano sinimungno aladah tei chajak mungno aladah. Tabuk no.1 hinke toh ani bokhrokgo Lipika Debbarma phai tongo, Pinaki Debbarma, Monorama Reang. Chwlarokni bisingo Subhajit, Manoj, Ady, Mithun, Rocky murasing.
Aitorma: Ano nwng kaichi manwi-khwnwini mung ridi je manwi kwrwi nwng tongwimanya?
Biva: Oxygen, Chamung, family, hamjakma borok, rang, phone, acting career, swi (pet ), jati-gusti, mare-kichingsong.
Aitorma: Nwng tabuksak jora samung khawi chajakmani co-actor, director, producer tai rwchapkwrwngrok sabo?
Biva: Best Co-actor: Subhajit Debbarma, Director: Sarat Reang , Paramita Reang, Sharmili Debbarma, tai Producer hinke jotono kaham ang tabuksak jora je samung ma khaibai mani. Kok hwnke oro producer rokse samung nangkukmani. Producer kwrui hinke chwng actor wngwi bo, director wngwi bo kuno samung o chuk mangwlak khamo. Producer rok ni support bai se chwng samung ma khai tongo, tai ang joto producer rokno khabai hambai sana mwchungo chwng no chubai tongma bagwi.
Best chwla rwchapkwrwng: Swkang Debbarma tai bwrwi rwchapkwrwng: Parmita Reang
Aitorma: Tabuksak jora kokborok film industry o tamo kaham yachakmung tai swlaijak mungrok nukkha?
Biva: Chini kokborok industry sana thangkhe tabuk phano industry khaya khu, haiphano chini o koborok ni samung humung choli tongmao jotono belai kheno sak tharwi khai tongbaio. Quality rok bo sana thangkhe belai kheno naithogo tabuk agini ni no suna thangkhe, acting rok bo improve wngbai kha jotoni no. Sal phaikheno video rokbo kwtal kwtal upload wngwi tongo. Tai chini culture rokno romwi tonimani logi logi modern society no kwrwngwi modern khe video phunuk tongwi manmani omo belai kheno develop wngmai mari sijago.
Aitorma: Tabuksak jora nini kotor project tamo?
Biva: Tabuk swk jora ani challenging project wngkha ‘Tiprasa’ Movie.
Aitorma: Nini samungno rwgwi bui tamorok seja?
Biva: Puila puila khwnakha, ano directly sarakya, phiya uklok uklok sajakgo acting career o tongnai rokni character no borokrok chajakya. Chini society aswk broad minded wng manyhakhu, haiphano acting ni bagwi nokni nokhorwi phatar phatar yang ayang thangwi chwng samung ma khaio. Baksa borok okra chakrarok kaham mokol bai naya, haiphano tabuk twrwk twrwk jesuk chini social media er rwk, borok rokni wansukmung bo torrwk torrwk wngwi tongo. Tabuk hinke agini hai problem rok face khaina nangliya. Tabuk joto no bujiwo, tabuk ulta support mano. So omono hamya jora laiwui kaham jora o sokphaikha omtwi haikhe feel ma khaio ta, kaham jaga sokgwi na swkang hamya jaga no lawi ma thannai.
Aitorma: Nini kaham jora bahai khe kati?
Biva: Ang ani family rok bai jefru time spent ma khaio abo ani life ni best moment.
Aitorma: Nwng thokjakmani chamung tamo?
Biva: Ani favourite chumung hinke chini borok rok ni chamung.
Aitorma: Nini emangni beraina muchungma thai?
Biva: Ani favourite holiday destination wngkha ani kami, ang aro simi thangkhe ang tonthothok chathothok haikhe ma tongo.
Aitorma: Nini langma ni emang tamo?
Biva: Ang bahai khe society o kung kuchuk khai ani bokhrok no tisawoi tongwi thangwi mannai, mung kaham twi tai ani bahano khroksa bono bahai khe borok munuiso swnamwi tisai twlang mannai, bono ang boni yakungno raak riwoi bacharwi mannai omo no ani life ni chaitok mani, jephru omorok success wngnai aphuru ani life o success wngkha hinui ang wansuk nai.
Aitorma: Bisichi ni ulo nwng kokborok Tokey Industry no buro nukna muchung?
Biva: Muchungmani hinke belai se kotor, phatar haste ni haikhe no naina mwchungo o Tripura haste no bo. Haiphano expectations ba bwsuk jora twi sokgwi no sokgwiya, but chini borok rok jeswk sak tharwi samung khai tongmani ang kha khaio salsa ya salsa 10 years ni pore ya fano 20 years sokgwi thung, but salsa ya salsa o kokborok industry bo haste o sinijak nai haise. Tabuk no mwngsa se wngya kho sana thangkhe, industry se wngya kho chini haiphano se Tripura ni hinwi nai chini music videos rok kwbangma no naijakgwi tongo lukorok bai. Ang belai kheno naina muchungo phatar hasteni haikhe oro bo jotono samung hinwi kaisa manwi thangwi mannai jat, jotoni no talent no bwskango phunok mannai jaat rok. Industry wngkha hinke kami bisingni bwsuk je huijak talent rok bwskango sokphaino, tai chini borok rok ni bisingo bo bwsuk talent tong obo phunugwi mannai. O industry hinwui kwrui kho ni bagwi kwbang borok nino tabuk phano jani jani talent phunukgwi manya wngwi tongo, hinke obonino belai khe bwkha yogo ani.
Aitorma: Kwtal acting khai tongnairokni bagwi tamo kok kwcharna muchung?
Biva: Acting wngkha kaisa art, so puila nin art no nwng belai kheno respect ma rwnai tai nwng je samung khaio abo no sak tharwi ma khainai, phiya paiyasak kwchar majar o yakar rwkhe wngya, tai omono cheng chengra haikhe ta nadi. Hinke se haba sokgwi samung khai manai. Haino mung mana tai rangni bagwi khai khe le paikha, tangwi hinke chini Tripura ni culture chini Tripura ni joto sinimung sana thangkhe rwchapmwng mwsamwng o industry omtwi rok ni bisingtwi se phatar haste ni borokrok bo sininai. So, belai kheno wansukgwi samung no khailai na nango, samungno khailaidi. Samung no jeheto khaio hinke try khai di bahai khe perfect khwlai mannai. All the Best je upcoming actor actress phainai rok no, norokse chini acting career ni thinangrok.
